Ne manquez pas...

Parcourez-ici les rubriques

VOUS ÊTES ICI : ACCUEIL LANGUE CORSE CRONACA MUSICALI - A CANZONA CORSA DI A SITTIMANA « TI VULIA LASCIÀ », DI JEAN MENCONI

« Ti vulia lascià », di Jean Menconi

Dernière mise à jour de cette page le 22/10/2014

Cantons concernés : Porti Vechju

Una voci chì ùn s’assumiglia à nisun’altra, influenzi musicali chì venini da tutti i parti di u mondu, un purtivichjacciu chì vi pò tuccà ma dinò « metta u focu » in una sirata : parlemi di sicuru di Jean Menconi.

L’artistu, ch’ellu ùn c’hè più bisognu à prisintà, hà isciutu ssa statina un dischettu novu, « Mediterraniu ».

Un’opara nova cumposta di dodeci canzoni cù parechji criazioni è calchì ripresa, fruttu di dui anni di stantu à fiancu à i so cumpagni di sempri, è didicata à u so babbu Paolo, partutu troppu prestu.

Ritruvemi pà i testi un autori avvezzu à travaghjà cù u cantadori, Marc Ventura, ma dinò Sonia Moretti, Cristofanu Mondoloni pà u titulu « Porra », o ancu puru Jean Menconi ellu stessu, amintendu a Corsica o i cosi di a vita.

L’accunciamenti musicali sò rializati da u purtivichjacciu ma dinò da u so ghjovanu ghitaristu, Brice Colombier.

S’è i dischetti scorsi pighjavani piuttostu un versu d’America Suttana pà tanti canzoni, « Mediterraniu » pruponi un mischju di gennari musicali numarosi chì piacini assai à Jean Menconi, chì dici « ascultà di tuttu ».

A canzona ch’emi vulsutu sceglia si chjama « Ti vulia lascià », a storia di un corsu o di una corsa chì devi lacà a so isula malgradu a so vulintà, ma chì hè ubligatu o ubligata à andassini pà cuntinuà a so vita, è chì voli trasmetta a tistimunianza di una Corsica chì ùn hè più, ma ch’ellu invita à custruiscia par dumani à tempu.

I parolli di Marc Ventura, com’è sempri, pichjani in cori è in menti cù simplicità è puesia, a prova di un’alchimia vera trà l’autori è u so intarpretu torna.

A meludia, chì pudaria fà pinsà à calchì arietta di una canzona putenti di u gruppu Scorpions, parmetti di fà nascia l’emuzioni, a ghitarra acustica, elettrica, a bassa, a battaria è i keyboards criendu un’armunia parfetta, eppo un sonu di una purezza strema.

U matrimoniu hè riisciutu pà Jean Menconi, chì riesci à facci entra in menti à ss’omu o ssa donna grazia à « Ti vulia lascià ».

L’artistu ci laca quì una canzona chì, ni semi sicuri, piaciarà à tanti aghjenti, tocchi da ciò ch’ella conta è da una meludia chì, quand’ella vi teni, ùn vi cappia più !

Jean Menconi - Ti vulia lascià (strattu 39 sicondi).

Texte anti-spam :*

Entrez les deux mots ci-dessous, avec ou sans espace.
Les lettres ne sont pas sensibles à la casse.
Une difficulté pour lire ? Essayer un autre texte

Soyez le premier à commenter cet article ! COMMENTER