Ne manquez pas...

Parcourez-ici les rubriques

VOUS ÊTES ICI : ACCUEIL FOOTBALL L'HISTOIRE DU SC BASTIA AFFARE KÉBÉ IN BASTIA (2007)

Affare Kébé in Bastia (2007)

Dernière mise à jour de cette page le 07/04/2016

Cantons concernés : Bastia

Dà Lisa D'Orazio -

Eccula a sintenza : hè cacciatu un puntu à u Sporting in u campiunatu di liga2. Inun cummunicatu, a cummissione di disciplina di a liga francese di ballò hà spiegatu ch’ella avia cacciatu un puntu à u SCB per via di u cumpurtamentu razzistu di certi sustenitori versu u liburnese Kébé, durante un scontru di liga 2, trà Libourne è Bastia. Secondu a LPF1, sarebbe a primavoltachì e dispusizione di i regulamenti generali di a Federazione Francesa di Football, chì integranu i cunsigli di a FIFA in fatti di lotta contru à u razzisimu, serianu appiecate. Hè a primavoltadinù chì una sintenza cusì pisiva, incù punti cacciati, hè prununziata per via di u razzisimu di sustenitori in u ballò prufessiunale in Francia. U Presidente di u Sporting, Carlu Orlanducci hà fattu sapè ch’ellu vulia fà appellu davanti à a Cummisione suprana di a FFF.

St’affare spurtivu hà tenutu una piazza maiò ind’i media. T’hà avutu un ribombu tremendu in a stampa scritta quant’è ind’i giurnali televisivi parigini o isulani. Eppuru i media anu pocu è micca mintuvatu a bughjura di quellu affare. Dui andati si sò imposti in a stampa scritta quant’è à a televisiò. Certi si feliciteghjanu in articuli estrosi ch’ellu fussi « muralizatu » stu sportu è ch’elle fussinu imposte e regule à ciò ch’omu pò cuntrullà, vale à dì, quì, à u publicu. Inquantu à l’altri, incalcanu soprattuttu nant’à u versu giuridicu di l’appellu o di a cundanna.

À l’infora d’Internet duve elli si sprimenu i passiunati di u Sporting nant’à i forum, di modu generale, i media danu pocu è micca a parolla à i sustenitori.

Da tandu, vene difficiule di misurà e cunsequenze di sta sintenza. Si n’anu da impenserì i media di u pesu simbolicu di sta cundanna ? Omu pò pensà ch’ellu ci serà un pesu sicuru nant’à a squadra è i so sustenitori. Ùn ci scurdemu chì u ballò hè un inghjocu identitariu maiò in Corsica. Una mansa di travaglii l’hà dimustrata è bè.

Tenimu quellu, di prima trinca di Didier Rey2 nant’à u ballò. Ci dice ch’ella ferma sempre « indiata » a so pratica : « Quì è culà, si trattava anzi tuttu di rispettà un codice chì paria spartu da tutti i spettadori. Ripone quessu nant’à u ricusu di l’idea di a neutralità, ind’a capacità à impone si à l’Altru, ancu puru di modu “maschezzu”, à ricusà a so duminazione, ancu puru curtissima, à stà fidu à una certa cuncipitura di l’onore di modu à un perde u capu ». Da quì l’interessu di i sustenitori per questu affare chì trapassa l’aghja spurtiva.

A mediatisazione di ciò ch’omu chjama oramai « l’affare Kébé », hà da pone in e simane à vene tante quistione, chì di sicura, trapasseranu i cunfini di u ballò, postu chì sta sintenza nova hè vissuta cum’è inghjusta in a Corsica sana.

Ind’è i media manca dunque un sguardu di più altieru, nant’à l’impurtenza di stu sportu in Corsica, è nant’à l’inghjocu maiò ch’ellu ripresenta, appuntu quandu hè in core à tanti cuntrasti è quistione.

Articulu di u numaru 9, Nuvembre di u 2007
1. Liga Prufeziunale di Football (ballò). 2. Didier Rey, Les identités multiples : Corse et Algérie au miroir du football 1897-1962.

Texte anti-spam :*

Entrez les deux mots ci-dessous, avec ou sans espace.
Les lettres ne sont pas sensibles à la casse.
Une difficulté pour lire ? Essayer un autre texte

Soyez le premier à commenter cet article ! COMMENTER